Għanijiet tat-Taqsima

Il-Fond Agrikolu Ewropew ta’ Garanzija (FAEG) u l-Fond Agrikolu Ewropew għall-Iżvilupp Rurali (FAEŻR) ġew maħluqa biex jiksbu l-għanijiet tal-Politika Agrikola Komuni (PAK), kif imfisser mit-Trattat dwar il-Funzjonament tal-Unjoni Ewropea (TFUE). Dawn il-fondi huma ffinanzjati mill-baġit ġenerali tal-Komunitajiet Ewropej u amministrati mill-Aġenziji tal-Pagamenti (AP), permezz ta’ ġestjoni li tinqasam mal-Istati Membri, kif iddikjarat fl-Artikolu 3 tar-Regolament (UE) Nru 1306/2013.

Fir-rigward ta’ miżuri relatati ma’ operazzjonijiet iffinanzjati mill-FAEG u l-FAEŻR, it-Taqsima tal-Kontijiet tal-Aġenzija għall-Pagamenti Agrikoli u Rurali (ARPA) hija responsabbli biex tikkomunika lill-Kummissjoni dikjarazzjonijiet ta’ nfiq (inkluż rappurtar dwar dħul allokat), stimi ta’ rekwiżiti finanzjarji (previżjonijiet) u l-kontijiet annwali tal-aħħar tas-sena finanzjarja. Dawn l-inkarigi jitwettqu skont ir-rekwiżiti stipulati fir-Regolament ta’ Implimentazzjoni tal-Kummissjoni (UE) Nru 908/2014

L-għan prinċipali tat-Taqsima huwa li tiżgura stampa vera u ġusta fil-kontijiet/rappurtar tat-tranżazzjonijiet kollha u li l-komunikazzjoni ta’ tali rapporti tirrispetta t-termini stipulati kif stabbiliti fir-Regolament (UE) Nru 1306/2013 u r-Regolament tal-Implimentazzjoni tal-Kummissjoni (UE) 908/2014.

1. Spejjeż ta’ Nfiq

L-Artikolu 8(1) tar-Regolament ta’ Implimentazzjoni tal-Kummissjoni (UE) Nru 908/2014, jistabbilixxi li kull Aġenzija tal-Pagamenti għandha żżomm sett ta’ kontijiet separati kemm għall-FAEG u għall-FAEŻR. Dan skont l-Artikoli 4(1), 5 u 43 tar-Regolament (UE) Nru 1306/2013 u l-użu tal-fondi magħmula disponibbli għaliha biex ittaffi l-ispiża rispettiva. Dawn il-kontijiet għandhom jippermettu li d-data finanzjarja għall-FAEG u l-FAEŻR tiġi distinta u pprovduta separatament.

Fost dawn il-kontijiet wieħed jista’ jsib l-infiq sostnut u d-dħul magħmul matul perjodu speċifiku ta’ żmien. Dawn huma kkonsolidati u rrappurtati lill-Kummissjoni permezz ta’ mezzi elettroniċi, fir-rigward ta’ termini stabbiliti, kif stabbilit mir-Regolament ta’ Implimentazzjoni tal-Kummissjoni (UE) 908/2014.

2. Ġestjoni tad-Debituri

L-Artikolu 54 (1) tar-Regolament (UE) Nru 1306/2013 jistabbilixxi li għal kwalunkwe pagament indebitu wara li li sseħħ irregolarità jew negliġenza, l-Istati Membri għandhom jitolbu l-irkupru mingħand il-benefiċjarju. L-ammonti korrispondenti għandhom jiġu rrekordjati fil-mument tat-talba tal-irkupru fir-reġistru tad-debituri tal-aġenzija tal-pagamenti.”

L-Istati Membri għandhom jadottaw id-dispożizzjonijiet kollha leġiżlattivi, regolatorji u amministrattivi u jieħdu kwalunkwe miżuri neċessarji oħra biex jiżguraw protezzjoni effettiva tal-interessi finanzjarji tal-Komunità b’mod partikolari biex:

• Jipprevjenu u jaġixxu kontra l-irregolaritajiet;
• Jirkupraw pagamenti indebiti flimkien mal-imgħax, u jressqu proċeduri legali f’dan is-senskif meħtieġ.
• Wara r-rikonoxximent ta’ debiti, l-Istati Membri huma obbligati jirkupraw l-ammonti dovuti: permezz ta’ Tpaċija jew Pagament fil-bank.
• Skont ir-Regolament ta’ Implimentazzjoni tal-Kummissjoni (UE) Nru 908/2014, l-Istati Membri għandhom ipaċu kwalunkwe dejn pendenti ta’ benefiċjarju li ġie stabbilit skont id-dritt nazzjonali kontra kwalunkwe pagament futur li għandu jsir mill-aġenzija responsabbli għall-irkupru tad-dejn lill-istess benefiċjarju.
• Pagamenti fil-bank jistgħu jsiru meta d-debitur iħallas id-dejn tiegħu direttament fil-kont bankarju tal-irregolaritajiet ta’ ARPA.

Tingħata rċevuta għal kwalunkwe ammont irkuprat.

Laqgħat barra mill-pajjiż

Minħabba li ARPA topera permezz ta’ ġestjoni li tinqasam mal-Kummissjoni tal-UE, l-uffiċjali tagħha jattendu laqgħat kull xahar sabiex jibqgħu infurmati dwar żviluppi ġodda li jseħħu kemm fis-suq agrikolu u żviluppi legali.