Is-Sistema ta’ Servizzi Konsultattivi għall-Azjendi Agrikoli hija intiża biex tgħin lill-bdiewa jifhmu aħjar u jissodisfaw ir-regoli tal-UE għall-ambjent, is-saħħa pubblika u tal-annimali, il-benessri tal-annimali u l-kundizzjoni tajba agrikola u ambjentali.
L-Istati Membri huma meħtieġa li jistabbilixxu Sistema ta’ Servizzi Konsultattivi għall-Azjendi Agrikoli (FAS) li hija intiża biex tgħin lill-bdiewa jifhmu aħjar u jissodisfaw ir-regoli tal-UE għall-ambjent, is-saħħa pubblika u tal-annimali, il-benessri tal-annimali u l-KAAT. Il-politika għall-iżvilupp rurali tappoġġja lill-bdiewa fl-użu ta’ servizzi konsultattivi u tappoġġja lill-Istati Membri fl-istabbiliment ta’ servizzi konsultattivi ġodda għall-azjendi agrikoli fejn meħtieġ.
L-Artikolu 15 tar-Regolament (UE) Nru 2021/2115 tal-Parlament Ewropew jindirizza din il-ħtieġa u joħloq obbligu għall-Istati Membri biex jistabbilixxu sistema ta’ servizzi konsultattivi għal benefiċjarji dwar il-ġestjoni tal-art u l-ġestjoni tal-azjendi agrikoli.
Din is-sistema hija intiża biex tiġi operata minn korpi pubbliċi deżinjati u/jew korpi privati magħżula għall-benefiċċju tal-bdiewa kollha, kemm jekk jirċievu fondi agrikoli tal-UE u anki jekk le.
Servizz konsultattiv għall-azjendi agrikoli jevalwa s-sitwazzjoni speċifika tal-bidwi u jagħti konsulenza xierqa.
L-Aġenzija għall-Pagamenti Agrikoli u Rurali hija l-Awtorità Kompetenti magħżula għall-istabbiliment u l-implimentazzjoni tas-Sistema ta’ Servizzi Konsultattivi għall-Azjendi Agrikoli skont Leġislazzjoni Sussidjarja 117.39
Applikanti interessati li jixtiequ jistabbilixxu servizz konsultattiv għall-azjendi agrikoli għandhom jikkuntattjaw lir-Reġistratur
Aġenzija għall-Pagamenti Agrikoli u Rurali
Tel: +356 2292 4172
imejl: [email protected]
Għal-linji gwida rilevanti u l-applikazzjoni, tista’ tikkuntattja lir-reġistratur fuq l-email iktar ’il fuq.
Il-formola ta’ applikazzjoni mimlija u d-dokumenti ta’ akkumpanjament għandhom jiġu sottomessi online jew mal-Front Office, Ta’ Qali.
ornituri ta’ Servizzi Konsultattivi għall-Azjendi Agrikoli reġistrati għandhom jimlew u jissottomettu r-Rapport ta’ Status annwali biex jiġi mistħarreġ mill-FASRB. Il-mudell għar-rapport tal-istatus jista’ jinkiseb mir-reġistratur.
Agħfas hawn għall-aħħar Reġistru tal-Bord ta’ Reġistrazzjoni għas-Servizzi Konsultattivi għall-Azjendi Agrikoli (FASRB)
Agħfas hawn għall-aħħar Sospensjonijiet, Kanċellazzjonijiet, Tneħħija mil-Lista u Dħul mill-Ġdid tal-Bord ta’ Reġistrazzjoni għas-Servizzi Konsultattivi għall-Azjendi Agrikoli (FASRB)